بنحط الصفر....بقلم / مصطفى محمود

بنحط الصفر على الصفر
فيساوى  مافيش
ونعيش العمر عالة وتلطيش
نحضن فى الهم بلقمة عيش
تنزل بالسم وتفسد دم لناس اوباش
والعين ع الحاجب ما بتعلاش
عاش النتاش يا كل ببلاش
ملعون أبو خاش اللى خللاش
الخل غاموس والفول أبو سوس
عاش المتعوس محروم منحوس
فى الوحل يدوس  خايب موكوس
ف رقابته فانوس
يتحكم فيه حاكم مدسوس
بيعذب فيه بكلام مدروس
فوق يا أبو حلموس
والباقى عملته حروف وقاموس
من ساس يسوس
الشعب النايم لازمه ناقوس
بيدق يصحى  بشر ونفوس
دقاته بتعلى  مع الأزمات
عن تعلب فات بسبع لفات
والشعب المحسوب م الأموات
يوماتى ف هات والناس ف سكات
والفقر يزيد وصبحنا عبيد ما فى نار بتقيد
وتوحد صف منقوع فى شتات
وأنا مالى ومالك ماله أهو مات
وخيالى خيالك يبقى سراب
واتفتح الباب على كل خراب
وأنا حر فى أهو شاب
مخنوق ف كتاب مدفون ف تراب
لا فى حد ينفض عنه ف يوم
ولا حد يدور ف الأسباب
مصطفى محمود مصطفى قمر