$ صرخة وطن $ زمان شين متفرّقة حكاياته*** ومتشابكة خيوطه على الجنبين *** وكنّك غرست الورد في مناماته**** لا تفتّحت لا لامست ليدين **** كتاب الحياة تصفّحتها ورقاته*** من صعوبته ظنّيت ما انواصلش *** وبربشت كل أمواهمه وكبواته*** رعش نبض قلبي خفت ما انكمّلش زوّدت وين ملطّخة جيهاته*** بين الفجايع دمع ما بطّلش*** وحاولت نتهرّب على لفحاته*** صهيد نارها يشوّه وما يجمّلش*** في كل نبشة رمز ذكر ذكرياته***سطور واقدة من غيضها ما رحلش وغاصت سطوره في جميع اهاته*** عيون باكية وعيون ما تغفلش***قلوب حاقدة وبغلّها صاداته من اجل الوطن دافع وما بطّلش***دمّه سري سقّا شقوق وطاته***حروف غاضبة رثاته وما تجاملش *** عليه نوّحت الوادة الجاباته*** ياسر ترجّت دوم ما تغفلش***لكن ايدين الغادرة طالاته***كل من رسم ها الخط ما يخصلش***روّع وبكّى وشتتوا عيالاته***خنازير عبثت طبع ما يبطّلش *** وكل ما جرى مدوّن على صفحاته***زماني لهث والحزن ما يقتلش***وحتى القوافي الوضع ما نجّاته ***تطرز وتنحت نقشها ما وصلش***أصحاب الكراسي لاهية ولهّاته***حتى طرق القول ما غوّلش *** ليش يا زماني الهم هذا شماته ***وماهي ضعاف الحال ما تمّلش **** زي فقرها زي جوعها حفظاته***عطي بالقفا علينا وما عوّلش***عطينا عزي غبرنا قعدنا شماته حتى غزلنا الوقت ما تغزلش****وحتّى غريب الدار ما لهّاته *** ولا ضيعاته افصال لا عناوين تعالت اصواته نوّعت سهراته***وزاد وشّمت شيمات لفراسين *** *** وزمان شين متفرًقة حكاياته*** ومتشابكة خيوطه على الجنبين***كنّك غرست الورد في مناماته*** لا تفتّحت لا لامست ليدين *** ٪ بقلمي /سمراء الجنوب / نجوى النوي بن احمد
ليست هناك تعليقات:
إرسال تعليق