- ((( فيه فرْق ))
- بين ريحة بلدنا والمدينه
- ماتت ملامحك يا بلدنا
- بين ضُلوعى
- ولا عُـدت سامع
- صوت عصافير البكُور
- ولا عُـدت شايف
- ع القنا مقطف وفاس
- ولا عاد أثر
- للضفاير فى البنات
- ولا عادت الجلاليب
- زِينة الرجال
- البنطلون ع البنت
- زى ماتكون
- من غير بنطلون
- والقميص محتاج قميص
- عشان يدارى بطنها
- عِشْرين سنه حاير
- ما بين جُـدران المُدن
- عشرين سنه رابط
- على بطنى الحِزام
- لجل يخاصِمْنى الجُوع
- وكتير بنتصالح
- عشرين سنه رابط
- على لسانى اللجام
- لجل المدينه ما تِعوِّجُوش
- وغصب عنى بيتعوج
- عشرين سنه
- محتاج لحرف م الغرام
- عشرين سنه
- رابط على ايدى السلام
- شاعر القريه
- فيصل بدر
الخميس، 10 نوفمبر 2016
فيه فرق *** بقلم فيصل بدر
الاشتراك في:
تعليقات الرسالة (Atom)
ليست هناك تعليقات:
إرسال تعليق