- (أرض العرب) ٢٤/نوفمبر/٢٠١٦
- ***************
- فلسطين يا أرض العرب
- يا غالية يا كنعان
- انتى الشرف للعرب
- فيكى الأصيل اتهان
- يا مطلعلنا اشرف نسب
- للمصطفى العدنان
- فلسطين يا أرض العرب
- يا غالية يا كنعان
- يا بلاد يا حره رغم العدا
- يا بلاد يا حماله
- كم فيكى من شاعر شدا
- وقال فيكى قواله
- دى بلاد عيالها للفدا
- وحريمها رجاله
- بتربى عيال للموت
- اسف دولم أبطال
- وتزغرط ليلة ما يموت
- وكأنه ف غير الحال
- وتقدح بعلو الصوت
- ام البطل .....امال
- ف دمى ومليا الروح
- والله يا فلسطين
- وانا بحبك ببوح
- ف دمى وجوه العين
- وانشا الله تشفى الجروح
- بحق سيدنا الزين
- يا رمز كل الصمود
- يا منبع العزه
- وحبك مالهوش حدود
- ف القلب يا غزه
- سامحينا خونا العهود
- بقى فى السكوت لذه
- واللى على جبينا انكتب
- يهونه الرحمن
- فلسطين يا أرض العرب
- يا غالية يا كنعان
- بقلم الشاعر/محمد الشاذلى
الأربعاء، 23 نوفمبر 2016
ارض العرب *** بقلم محمد الشاذلي
الاشتراك في:
تعليقات الرسالة (Atom)
ليست هناك تعليقات:
إرسال تعليق