انا اللى قلبى كله حنان
ومات من غير عزه فيه
مش حرام عليك يازمان
حبيبى يبعنى وانا شريه
******
معقول اللى قلبه حنين
يشوف العذاب كده الوان
اللى انا فيه ده مش هين
متقولى يادنيا فين الامان
ازاى يموت بنا الاخلاص
وحبنا كان من نوع خاص
احب اقولك يادنيا خلاص
من الليله مش هبكى عليه
******
انا اللى قلبى كله حنان
ومات من غير عزه فيه
******
ازاى ياحب بندوب فيك
وانت اصلك كلك العذاب
كل العشاق اتمسكو بيك
واملهم ياعينى وياك خاب
كان نفسى يكونلك بديل
ينور فى قلبى تانى الليل
اللى بات من بعدو عليل
ولا فكر حتى يداويه
******
انا اللى قلبى كله حنان
ومات من غير عزه فيه
******
معقول نهايتك ياحب مر
امال تبقى الحلاوه فين
دانا حالى مابقاش يسر
وجبلى صبر بس منين
يهون عليا ايامى ديا
اللى كانت فى يوم ورديا
اهين منك ياسواد لياليا
هو الغدر قاسى كده ليه
******
انا اللى قلبى كله حنان
ومات من غير عزه فيه
******
انا اللى قلبى
كلمات
عماد عطا عطية
ليست هناك تعليقات:
إرسال تعليق