طفل كلبي ....قاسم الدوسري

طفل كلبي...
ويضحك هوه بالغبطة
ياحلوة التجيلي مني إتخمطه
ياهيه التجيلي تاخذه
اتكمطه
تلوليله...
تغنيله...
تدلل بيه
بحبال المودة تشده
وتربطه
طفل كلبي...
يحوم اعليج ياحبي
يحبي اعليج
يتخطى..
بحبج هوه موعرفان
طفل وتوه يتعطه
حسباله..
اليحب محظوظ
مايدري
اليحب بالعشك
يتوطى
طفل كلبي
مالومه...
اذا دكاته حيل تزيد
طفل من طبعه
كلشي يريد...
مااحرمه
ابد من العشك والله
ماافطمه
خل يرضع حليب الشوك
عن اكليبي مااضمه
طفل كلبي
ابو رؤى قاسم الدوسري