(كل آللعب)
ونقول
لعبت كل اللعب
واللعبه مـتلذش
رميت علي ورقهم ولد
زينة ولاد البلد
يناير دا يوم م أتولد
خمست كفي عليه
وبخرته انا م الحسد
وسنين ومستنيه
عشمي كان اكسب بيه
وبردو ما ــــــ قـاشش
ف قمت انا من نومي
امسح دموعي يا دوب
ورضيت ب كل همومي
وقلت دا ــــــ مكتوب
وفطرت كمان صُومي
صبر گ صبر أيوب
وقلت ما ـــــ يضرش
ونزلت ــــ بــ الكوومي
لقتني ـــــ مـا بصرتش
ولما كتر العك
ومفيش لا شط ولا بر
وعرفت من غير شك
عاااايز اعيش انا حر
قلت اجيب الخلاصه
ال عليها ....الرك
هزيت زهري رميته
وقلت احبسه ف الييك
ضحك وقال ......مـ عرفش
وقلت احاول تاااني
والحر ايه ــــــ يضيره
ما من زمان بـ يعاني
الساحه كت ماسبيرو
هزمني وما نصر ــاني
والغدر كان تقديره
أكل طابيتي وحصاني
فـ صرخت قلته ...كشش
قدم (عسكري) قدامي
وقالي ..مـ تقدرش
ف نزلت انا بالدوش
ورضيت ب اكل المش
وگ العادة اصبر حالي
بالضحك ويا ....الألش
مع ان خاني الكرت
نزلي ب الشيش بيش
خلاني اقول محصلش
وقفلها يمين شمال
ودخلني جوه ال ـــــ عش
ومن يومهااا
بطلت كل اللعب
ال ...م بتلذش
جرح ملاه الصديد
وورم ..م ب يفشش
وطيري ال كان صداح
ما عاد بـيـ عشش
حتي المحشه يا بشر
تلمه ..م بتحشش
كارهه تحصد زرعة
لناس ما.....بتحسش
وب نادي علي بكره
القاه ....م بيردش
يا سحاب الامل تعالي
بقاا ــــــ ورش
يا حق اكسر بيبان الظلم ــــ خش
لا عاد الكومي ب يبصر
ولا الولد ـــــ ب يقش
دا الملك طغي و ظلم
وما حد قالو ...كش
سليم محمد
ليست هناك تعليقات:
إرسال تعليق