- من (((( بسيطه ))))
- ****************
- واكتر من كام سنه بسأل
- وتقولى مسافر
- هو اللى مسافر يا أمه
- مش يبعت برضو جواب
- مش يبعت يتطمن على زرعُه
- ويرد الشوق للأحباب
- هو اللى مسافر يا أمه
- لازم ياخد وياه مفتاح الباب
- قفل الباب الصدا حاوطه
- ولا عادت تنفع وياه المفاتيح
- وقلوبنا بقت زى السمكه المسمومه
- بتدغدغ فى عضامها اسنان التماسيح
- هو اللى مسافر يا أمه
- مفروض يبقى له ميعاد لرجوع
- ولا يسيبنا لوحش الشوق يقتلنا
- وان ما قتلناش يقتلنا الجوع
- مالك يا ابنى
- سنك لسه برعرع
- وكلامك يطفى النور فى العين
- أى نعم احنا غلابه يا ولدى
- إنما احرار ما احناش مساجين
- ولا يوم مديت إيدى لخالك أو عمك
- ولا عمر لسانى طلب من حد
- يشيل همك
- دا الواحده إن جوزها فى يوم ونخ
- تستخسر فيه دمع العين
- بس اللى تضحى بصحتها
- وتتوه وسط الأيام
- ويضيع نص نظرها
- تبقى أمك يا ابنى
- شاعر القريه
- فيصل بدر
الخميس، 9 فبراير 2017
من (((( بسيطه )))) *******شاعر القريه فيصل بدر
الاشتراك في:
تعليقات الرسالة (Atom)
ليست هناك تعليقات:
إرسال تعليق