- عادي جدا...
- عادي فعلا...
- أيوه طبعا....كله عادي.
- عادي البحر يهيج علينا...
- بعد ماعشمنا إنه هادي.
- وكل حاجه بريئه فينا...
- يكون لها عمر إفتراضي.
- وتنكسر أرقام قلوبنا....
- كسر عشري أو إعتيادي.
- ..............
- عادي الدنيا تشتغلنا.....
- وترسم علينا حنان وحب.
- وعادي نعيش مصدقينها...
- وأخرتها كرسي في الكلوب.
- ...........
- عادي جدا أي جد.....
- تكتشف إنه كان هزار.
- عادي أي حاجه حلوه...
- تقلب جواك مرار.
- عادي كل القوه فيك....
- تتحول فجأه انكسار.
- ...............
- عادي تمشي كتله واحده....
- وكل حته فيك في وادي.
- مش هتفرق عشنا فيها.....
- مجبورين أو بالتراضي.
- يبقي خلصت...عادي جدااا
- قشطه فعلا...كله عادي
- (جيهان عكاشه)
الثلاثاء، 14 فبراير 2017
عادي جدا...(جيهان عكاشه)
الاشتراك في:
تعليقات الرسالة (Atom)
ليست هناك تعليقات:
إرسال تعليق