- ( خلطة حواء )
- .
- .عارفين أما تقولوا
- رضينا بالهم وهو بينا
- مارضيش
- عمنا عبدالمتعال
- عامل فيها ابو الريش
- يصبحني بتكشيرة
- بطقم أسنانه العيرة
- وعاملي فيها عنتر
- وهو تخين ومكعبر
- صبح وليل بيتأفف
- وعالقهوة ضحكته
- رايقه وبتصهلل
- لو عملت ملوخيه
- يقلي كتري التقليه
- ولو عملت كنافة
- يقلي بتاعة امي
- احلا يامحتاسه
- قلت اقلد أيوب
- في صبر السنين
- واعمل زي الناس
- العاقلين
- عملت حلة محشي
- ورحت على كعابي
- لروكسي
- قلت نحتفل بحب
- بقا منسي
- اشتريت دبدوب
- وورد احمر
- ولبست قميص
- شفتشي يسحر
- وحطيت الأحمر والأخضر
- فشر زينات صدقي
- ولا الرجل الأخضر
- ورجع سبع البرمبه
- وخدوده منفوخه ومتعفرت
- قلت يابت عدبها
- بتمن البطه الي سلختيها
- عملت اني مكسوفه
- ولشوفته فرحانه ومسرورة
- وعلى مارحت أسخن
- الشوربه
- رجعت لقيته عالسرير
- نايم بهدومه
- وصوته بيعزف وبيشخر
- قلت لحد هنا وكفايه
- الحال دا بقا مايل وزيادة
- رحت واكله برنجان مخلل
- بالتوم والكزبرة متفلفل
- ومن ودانه قربت بوشي
- وبصوت مجلجل
- قلتله كل سنه وانت حبيبي
- واووووف
- حطفي معاك الف شمعه
- ونفخت بعزم مافيا
- وخرجت كل الغيظ الي فيا
- الراجل من ساعتها مش
- بينطق
- الدكتور بيقول جاته
- من الخضه الجلطه
- خلي بالك من الطرشي
- عشان الضغط والسكر
- وانا من ساعتها مش ببطل
- اكل مخلل وبالتوم انفخ
- بنفسي في وشه
- اااحبيي ياسي عبد المتعال
- .
- بقلمي ( نونا محمد )
الاثنين، 27 فبراير 2017
( خلطة حواء ) ***بقلم نونا محمد
الاشتراك في:
تعليقات الرسالة (Atom)
ليست هناك تعليقات:
إرسال تعليق