- احكي يا شهرزاد
- عن الفساد .
- اللي انتشر في البلاد
- اللي بيسرق حق الغير
- واللي تملي ضد الخير
- واللي بيمشي في عكس السير
- وبيهلك في طريقه كتير
- واحكي تاني يا شهرزاد
- ع اللي بيتربح من شغله
- واللي النصب دا أكبر همه
- واللي بيتهرب من عمله
- وما بيخافشي يا ناس من ربه
- احكي وقولي يا شهرزاد
- ع اللي بيبني في أرض زراعه
- واللي بسببه هنبقى جواعه
- ونمد أيدينا لجيرانا
- وتضيع كرامتنا المنصانة
- احكى وقولي يا شهرزاد
- اللي معاه يحتكر السلعة
- علشان بكرة يبيعها مضاعفة
- والغلبان مش لاقي الدقة
- والعيشة صعبة وسط ديابة
- واللي بيفكر ياكل التاني
- وكأننا عايشين في الغابة
- واحكي تاني يا شهرزاد
- قلم # أم كلثوم صلاح#
الخميس، 9 فبراير 2017
احكي يا شهرزاد********قلم # أم كلثوم صلاح#
الاشتراك في:
تعليقات الرسالة (Atom)
ليست هناك تعليقات:
إرسال تعليق