يكفيني انك كل حياتي ..للشاعر المتالق/ عاطف عمر

قصيدة (يكفينى انك كل حياتي)

• الشاعر عاطف عمر

• 
  

• **معقوله الاحلام تسعدني وألاقي حياتي.

• **معقوله الاحزان تتبدل وأنسي أهاتي.

• **من بعد ما كنت أنا والاحزان عملين كوكتيل لا بنساها ولا تنساني.

• **أنا كنت بقوم الصبح أبكي وأندب حظى .

• **والظهر أتخانق مع ناسي راح فين حقي .

• **والليل استغفر وأصلي يمكن ربي يعوض صبري.

• **وادعى لنفسي. ينصرنى الله. على مين باعني.

• **طعم الأيام بقا مش هو...طيب أيه يعني.

• 
  

• **تعبت خلاص من شيل الهم.

• **وأتحني ظهري من ظلم العم.

• **شربت من الهم كاسات وكاسات من السم.

• **أغلب أيام العمر أهو فات ..حافظ انا صم .

• **عدت ايام لا شفيت من الجرح .ولا جف الدم .

• 
  

• **على أيه تتعشم فى الجنه..وانت الظالم.

• **حد الله كان بيني وبينك...والله العالم .

• **أمشي جنب الحايط أتألم..واتمني تعيش سالم غانم .

• **على أيامي معاك مش هندم .

• وأنسي الخير بقا شئ قادم.

• 
  

• **معقوله الاحلام تسعدني.وألاقي حياتي .

• **معقوله الاحزان تتبدل وانسي أهاتي .

• 
  

• **  يكفينى انك كل حياتي **