كيف نصبر... .....بقلم ...فوزية أحمد الفيلالي
- كيف نصبر...
- ....
- سالت دمعة
- على خدي تحفر
- بلا متشارو
- واش رموشي تقدر
- على احماها
- على لليل ل غاب
- على الساس
- لي اجفاه
- على دقة ف سرب الظهر
- على كبة ملمومة
- في تخبال العمر
- كانت صوف منسوجة
- منسومة بثوب الفرحة
- بعرس الصالحة
- في نقش الحنا(ء)
- فالحة .
- تسقي سبع رواضي
- تصفي الخاطر
- البعيد والقريب
- وحتى الرايح والغادي
- اه على قلبي الحنين
- اشحال قدو ما يصبر
- البارح كنت بكمامي نشالي
- نصبن ف أيامي
- بالرحان وما(ء) الزهر
- نعكّر نسوك بريح الفجر
- نقرقب ف اسوايع الزهر
- واليوم الوقت هرس الحيوط
- اطفى العيوط
- دفنت ابا الحنين وخوتي
- واخيالهم الزين
- بقيت كيف البيت
- على ثلاثة واقف
- قولوا لي كيف نصبر
- ما أنا غير تراب وعظم
- وطرف من شتات
- القدر...
- ..بقلمي
- ...فوزية أحمد الفيلالي
- المغرب...
- ديوان طرز المعنى يالصبر...
- في 26شتنبر2017
ليست هناك تعليقات:
إرسال تعليق