- صباح الصبر الجميل
- ===
- ما عاد قلبي صبر عا فرقتك ما عاد
- عودي بجاه النبي المصطفى عودي
- عودي بكفي هجر لا تشمتي الحساد
- فيي وفيكي = انا كرمالك وجودي
- كل يوم حبي الك يا روح عم يزداد
- انتي الهنا والفرح والعطر لورودي
- بشرع المحبه حرام نظل نحنا بعاد
- وحياة رب السما الرحمن معبودي
- انتي لروحي الهوا والمي انتي الزاد
- صارت حياتي بدونك جد منكوده
- خلي بقلبك حنان وعاطفه ووداد
- حني بوصلك انا محافظ على عهودي
- خلي ليالي الهوى تلبس ثياب جداد
- ضوي شموع الامل تا يطيب انشودي
- واعزف ع لحن الهوى اجمل لحن عواد
- وبستان حبي يفوح عطور معهودي
- يا نور عيني انا لاجلك على استعداد
- عالجمر امشي حفا والروح مكبودي
- ما لي سواكي حدا وبحكي على الاشهاد
- انتي القلب والعقل والروح معدودي
- موال حبي الك والشعر والانشاد
- قلبي لغيرك بوابه دوم مسدودي
- مش حق ونتي بعيدي تشعري باسعاد
- وبهم عايش انا واعصاب مشدودي
- ==== محمود شبيب ====
السبت، 30 سبتمبر 2017
صباح الصبر الجميل ===الشاعر محمد شبيب
الاشتراك في:
تعليقات الرسالة (Atom)
ليست هناك تعليقات:
إرسال تعليق