همسات بساطة ***-=0=-**الشاعر السوري المهجري --- اليان سمعان ---
- ***-=0=-*** همسات بساطة ***-=0=-***
- ____________________________
- حبيت فيكي البساطة لايغرك الدولار
- ***-=0=-*** اوعي ياحلوة هيك تغيري افكاري
- انتي الاصل ليش الدهب شو صار
- ***-=0=-*** شو غيرك ماحساب العشق جاري
- بحب البساطة كتير والفرح بالدار
- ***-=0=-*** ضلك بسيطة هيك نترافق بمشواري
- المال عمرو ماجاب السعادة نهار
- ***-=0=-*** لاتفكري بمال الدني بتسعدي داري
- قد ماحكيتك والله صرت محتار
- ***-=0=-*** بغير فكر مجنون اوغير افكاري
- السعد لو تفهميني كلمتين زغار
- ***-=0=-*** ولقمة بسيطة انتي الدفا وناري
- راح قلك نصيحة لاتلعبيها قمار
- ***-=0=-*** دولار اوكوخ الوفا مابريد تحتاري
- بكرى الزمن بيمر وبتلعب الاقدار
- ***-=0=-*** وبتعصف رياح الزمن وبتكسر الصاري
- بتوعي بلحظة تقولي هالزمن جار
- ***-=0=-*** بعتي بسوق الرخص وبالمال لاتداري
- بيكبرك عشرين من العمر ختيار
- ***-=0=-*** ويسوء فيكي الظن شو بتختاري
- هون لاتروحي مافي اخي او جار
- ***-=0=-*** خيتك تعيش بهنا منها راح تغاري
- يدور الحكي بالحي وتكتر الاخبار
- ***-=0=-*** لاتغامري لسا وقت والله القلب شاري
- ----------------------------------------------------
- الشاعر السوري المهجري --- اليان سمعان ---
ليست هناك تعليقات:
إرسال تعليق