- نروح لمين غيرك
- واحنا ملناش غيرك
- طيب ايه اللي يرضيكي
- عايشين زل واهانه
- وبنقول انك أمانه
- وعايزين نعيش فيكي
- كرهانا ليه انتي وحراسك
- ابوس ترابك طلعينا من راسك
- غراقنين مدي ايديكي
- والله ما هينفعوكي
- ضحكو عليكي وغموكي
- الفرحه دي مش ليكي
- دول فرحانين لما بعوكي
- دي مش ميه نيلك اصحي وفوقي
- وسألي نفسك ليه قاسيه علينا
- دي خمرا يا مصر علشان يسكروكي
- ومن غير ما تحسي هما يسرقوكي
- وتجيلنا سكرانه وتمطوحي فينا
- احمد موسي المخبر ليهم
- مدح الحرامي وسب اللي يكرهوه
- وعلشان شعبك اتكلم عليهم
- قال علي شعبك شعب معتوه
- معتوه مين يا اوطي خلقه
- احنا اللي يسبنا نلعن ابوه
- اعلام فاسد يهينا فيه واحد خسيس
- يهين اسياده الاحرار علشان يرضي الرئيس
- جيوش العالم بتحمي بلاها وتمنع الانحلال
- وجيش مصر كتر خيه بيتاخر في لبن الاطفال
- شعب بيشحت وتذيد رواتب القضاه والظباط
- وكل يوم قطرات تقلب في اسكندريه والعياط
- نتكلم يقولك الرئيس انتخبتوه وده اختياركم
- وهوكدا ومفيش غير كدا وان كان عاجبكم
- واللي مش عاجبه قال يشوف جواز ويهاجر
- عايز ارد بس علشان اتربت مش قادر
- يعني ايه الدوله للعسكر والحكم للعسكر
- يعني ايه وزير التمويل واحد من العسكر
- يعني ايه يسبو ويعتقلو اللي يهاجم العسكر
- يعني ايه شعب يدفع لدوله عشان ياخد العسكر
- يعني ادفع صلاتي في المسجد قبل الاقامه
- يعني ايه ممثل دوله عشان يسلم يجري ورا اوباما
- يعني ايه اللي مش عاجبه يعيش ينضرب بالبياده
- يعني ايه صحف العالم تتريق علي مصر وعلي القياده
- يعني ايه نموت في الميادين والشوارع ومش حاسه بينا
- فوقي من خمرهم وارجعي انتي مش ليهم انتي لينا
- احنا اللي طول عمرنا رافعينك فخفي شويه تعبت ايدينا
- حرام نبني ونزرع ونصنع ونحب فيكي وانتي تجرحينا
- شيلتينا فوق طاقتنا ولو استمريتي علي كدا مش هتلقينا
- صوتنا عالي بنندهلك ففوقي يا مصر واسمعينا
- قلم. محمد سالم
الأحد، 11 سبتمبر 2016
نروح لمين غيرك*******قلم. محمد سالم
الاشتراك في:
تعليقات الرسالة (Atom)
ليست هناك تعليقات:
إرسال تعليق