قصه / حبيبه رضوان

• قصه
• قصه .. قصة حب هاحكيها في كلمتين تلاته
• هوصف ظروفها ومعانيها بمنته السلاسه
• وابدأ مع البداية
• وازي كانت الحكاية
• افتحوا ودانكم وركزوا معايا
• اول القصة للقاء
• مداري في حضن الغيب
• وبصدفه زي كل العشاق
• جمع بنهم نصيب
• واتقبلت العيون
• وخِلي من حواليهم الكون
• وطار السهم المجنون
• يعلن بداية الحكاية
• وابتدئ يفكر فيها
• وبقي مشغول عليها
• وبدأت تحس بيه
• وتداري انشغالها بيه
• وأصبحت تحبه بجنون
• وأصبح بيها مجنون
• واتغير شكل الكون
• ودي مجرد البداية
• كتر ما بنهم الكلام
• وكبر في قلبهم الغرام
• والدنيا هيام في هيام
• وبعيده لسه الظنون
• والدنيا من اروع ما يكون
• ولسه الظروف طيبه
• سيباهم بدون اذي
• لكن الحياه فيها دا وادا
• بدأت تشك فيه 
• وتغير بزياده عليه
• وكل حركاته مراقبه
• راح فين جه منين
• وكلامهم بقي دفاع وتهمه
• فرح في الاول بغيرتها
• وقال دا طبيعي في غريزتها
• مهي انثي معجونه بالظنون
• وبدأ هو كمان يحواطها بالجنان
• ان ضحكت بتضحك ليه
• ان سرحت سرحت في ايه
• والحب الكبير الغيره بتخنق فيه
• وهما مش عارفين ايه اخر الظنون
• ضاع الحب الجميل
• ومات الحلم الجميل
• من غيرة بدون دليل
• وكتر الظنون
• وجت بسرعة النهايه
• زي كتير من الحكايا
• بيموت الحب في بالنهاية
• والسبب غيرة وظنون
• وفي النهاية تعليق مني بسيط
• بلاش نخلي الظنون لينا بيت
• خلي الثقه في الحب اساس يبني البيوت
• دي قصة زي قصص ملاين
• كان المعني فيها حزين
• لكن فيه قصص تانيه
• كمل الحب بدون ظنون
• دي قصه حاكتها ليكم
• عبرة قصاد عينيكم
• وفكرة في كل عقل تدوم
• ارحموا حبكم من الشك والظنون