--لعبة الايام------- قصة قصيرة---نبيل الشضاوى-
- -----------لعبة الايام------- قصة قصيرة-----------
- بسم الله نبتدى
- وبالصلاة على النبى احكى قصتى
- القصة قصة كمال والحاجة حسنية
- وابنهم عادل كان من الرحمن ليهم هدية
- كمال وحسنية التقى والصلاح عنوانهم
- وعادل ابنهم عندة شهور واهو بيلعب اودمهم
- الاب من الشغل للبيت والام متئصلة ست بيت
- خادمة بيتها وتعمل اكلها بئديها
- طباخة اصيلة يا عينى عليها
- واقفة فى امان الله بتعمل الاكل يا ولداة
- هبت النار فى وشها وعنيها
- واتشوهت والقدر ما سمى عليها
- راح جمالها فى غمضت عين
- وحبايبها يضربو الكف على الخدين
- خدها كمال وجرى بيها على الاطبة
- قالو الحرق فى الوش متين
- رجعو يندبو حظهم الاتنين
- وحسنية تقول الرحمة يا رب العالمين
- عدت سنة ورا سنة وكمال قال كفاية حزن انا
- عاوز اتهنى بجمال تانى
- صحة وفلوس مافيش حاجة نقصانى
- طلق حسنية ورماها
- وجة عليها وظلم ولداها
- وبص بعينة لقى غزالة شاردة
- حلوة وجميلة واسمها شادية
- كتب عليها وعاش معاها واتهنى
- نرجع لحسنية كانت من الفقرللموت بتتمنى
- ولدها معاها لسة صغير
- عاوز ياكل ويتعلم فى زمن مرير
- راحت تسئل كل بيت احسان
- فية الى يدى وفية الى يطلع جبان
- لكن استحملت وربت ابنها على التقى والايمان
- وكبر عادل واتعلم وبقدرة الله
- دخل الطب وكان دكتور يا محلاة
- والام شكرت ربها فى علاة
- على نعمة الصبر وتقى ابنها وهداة
- وعادل عجبتو زيملتو فى الكلية
- بنت اصل متربية اسمها سمية
- فالها بصراحة عاوز اخطبك
- قالتلة هات الوالدة واودئك بتنا على عنيا
- خد امة وراح يخطبها
- ساعت ما البنت شافتها
- قالتلو امك دى فى عنياوهديتى ليها
- ارجعلها جمالها ونور عنيها
- اصلها دكتورة فى التجميل ملهاش بديل
- وعملت العملية ورجعت حسنية حورية
- واتجوز عادل بسمية واتهنت فى وسطهم حسنية
- ونرجع لكمال ونشوف حكايتة
- ماشى فى طريقة يعاكس كل الى تقابلة
- بص بعينة لقى واحدة جميلة
- واقفة فى الشارع لاو لدها مستنية
- قال يا جميل رمانى الهوى
- ودة شىء مش بئديا يا المظية
- لفت وشها تشتمة
- بصلها وسنح وتنح وافتكر الى كان
- اصلها حسنية الحب الى كان زمان
- والى باعة بارخص الاتمان
- قالتلو روح يا شيخ ربنا مايحرمك من الجنان
- برضة الى فيك فيك يا جبان
- ابنك عادل بقى دكتور وزينة الشبان
- اوعى تخلية يشوفك ليعيش من العار تعبان
- وكفاية الى قساة معايا فى ايام الحرمان
- وراح كل واحد فى طريقة
- ماهوا الى اختار ونساهم الامان
- ودى كانت نهاية قصة الى ميرضاش بحكم الرحمن
- --------------نبيل الشضاوى------------
ليست هناك تعليقات:
إرسال تعليق