- ماهيش فارقه.....
- نعيش التوهه والحرقه...
- ونقول الله السما زرقه..
- وغيومها بقلوبنا وجعانا.
- ......................
- ماهيش فارقه...
- نسكت ولا نتكلم...
- نضحك وإحنا بنتألم....
- مادام أخرتها هنسلم....
- ونكتم وجعنا وأسانا.
- ....................
- ماهيش فارقه.....
- نفارق ولا نتغرب....
- طول ماحلمنا بيهرب....
- ويبعد كل مانقرب....
- علشان الغربه جوانا.
- .....................
- ماهيش فارقه.....
- نعشق اللي مش لينا....
- ونزهد في اللي في إيدينا...
- ونزرع الوهم حوالينا.....
- ونقسي علي اللي يهوانا.
- ...................
- ونكتم في الهوي بوحنا.....
- ونفك قديمنا في جروحنا.....
- ونضحك كتير علي روحنا......
- ونعيش وقلوبنا عطشانه.
- ........................
- يادنيا إمتي هترضينا.... ؟
- يادنيا إمتي هنتصاحب...؟
- شبعتي تضربي فينا.....
- وبرضه مابنليناش صاحب.
- أتاريكي في الأصل بيعانا.
- ......................
- ماهييييييييش فارقه.......
- نعيشها بجبن أو جرأه......
- كده كده قلوبنا دبحانا
الأربعاء، 2 نوفمبر 2016
ماهيش فارقه.....جيهان عكاشة
الاشتراك في:
تعليقات الرسالة (Atom)
ليست هناك تعليقات:
إرسال تعليق