مساؤكم كفرعاوي اصيل
=============
قرية كفرراعي السبعه حروفها
قريه اصيله برغم كل ظروفها
الله عليها بالنعم وصنوفها
انعم وخيره كثير عبا رفوفها
الها فضل عا غيرها وبتشوفها
ما تسكرت مره بوجه ضيوفها
بالجود معروفين بيض كفوفها
وما في حدا بنكر فضل معروفها
يا ما علام تخرجو من صفوفها
وشعار تطربنا بجرة اوووفها
المرجله والكبرياء قطوفها
ما استسلمت بدهور ساؤو صروفها
علم وثقافه رجالها ووصوفها
والجهل ما طالت نيابه انوفها
ويا ما عرايا اكتسو من صوفها
حتى جنون البرد لا ما يحوفها
عاش الابا تربى ع حد سيوفها
ووقفت بساحات الكرامه وقوفها
وما يوم ابدت من العادي خوفها
والمجد شامخ رفعتو ع كتوفها
هذي كفرراعي الابيه واهلها
بوجه العدا بترص دوم صفوفها
====محمود شبيب ====
ليست هناك تعليقات:
إرسال تعليق