سؤال/ اسامه فؤاد

سؤال كلمات اسامة فؤاد حنا
سؤال مش لاقى له اجابة
انتى ليه علطول كدابة
تخترعى كدبة وتصدقيها
وف كل مرة ترجعى تنسيها
و الكدب مالوش رجلين
وانا بافهمك من بصة عين
يا ريت ترجعى زى زمان
ملكيش ف اللف والدوران
مفيش احلى من الصراحة
و تعيشى علطول مرتاحة
لو فكرتى تانى تخبى
افتكرى ازاى كان حبى
وافتكرى كنا ازاى ف الاول
نتكلم مع بعض ونطول
و قلبى كان كتاب مفتوح
والنهارده منك مجروح
ازاى يا حبيبتى الحب
يتحول لخداع وكدب
انا حذرتك م البداية
ليه تكتبى بايديك النهاية
مش ممكن تانى اصدقك
انا جاى النهاردة اودعك
وخلاص الحب ولى وراح
ومن كدبك قلبى راح يرتاح