فى قهوة بلدى .....بقلم الشاعر المبدع محمد البلاط
- فى قهوة بلدى
- ..............
- جيب اثنين شاى وواحد حلبه وشيشه
- ذميلنا جاى معاه الشله حشيشه
- وحضر تعميره تكون عال
- وظبطها بنصف ريال هتاخد منا بريزه
- وجيب الولعه قوالح بلاش الفحم الكالح
- تعبنا وصدرنا ذيق من الطقم بتناع امبارح
- وصحصح لينا راعينا فيه ناس بتبص علينا
- تجيب التعميره جاهزه بلاش تقطع بسكينه
- واخر السهرة تتظبط وتبقى فى احلى تنعيشه
- وتأخد حقك مقلفط وكله نقدى مش فيشه
- ذميلنا معاه ست عيال وهيجوز فيهم بنتين
- وحالته ضنك وصعبه ومش عارف يجيب منين
- جبوه الشله من الخنكه وحرصينه بقالوا يومين
- وبنفكر نهدى فيه ونلقى الحل للمسكين
- +....+.....+.......+........+.
- يا عم قوم بقى وروح وريحنا من افكارك
- يا تشرب شاى وتتسوح ليه مش شايف بقى حالك
- طالب تعميره وشيشه وكله نقدى مش بيشه
- وتايه انت واصحابك فى بنت عايزه جوازه
- بقالى عمر فى القهوة مروحتش فى يوم مسطول
- ما فكرتش فى يوم اشرب ولا اروح لبيتى مخمور
- وليا عيال برعاهم وبصرف قرشى عاليهم
- ولو ضاقت فى يوم حبه بنستكفى بصحن الفول
- يا صاحب الكيف والعاده وكلمة تظبيط راسنا
- كلام وواخره شحاته وصوت عالى يجراسنا
- كيفك اللهباب فيه المر بتتعب بيه نفوسنا
- يا تنفع صاحبك التعبان يا اما تحل عن راسنا
- بقلم محمد البلاط
ليست هناك تعليقات:
إرسال تعليق