حنين ..للشاعر المبدع المتالق/ راضي يوسف مشيلح
- حنين
- قصيده من الارشيف
- ،،،،،،،،،،،،،،،،،،،،،،،،،،،،،،،،،،،،،،
- جمعة صفا ورضيان دخلو الرب
- ودا صباح الخير من تمك
- وخلا الشعر شلال عم ينصب
- ونقط عليي العطر من كمك
- حسيت حالي رجعت كني شب
- وعَ صورتك عم بركض بشمك
- وكل ما حنين الشوق فيي هب
- بتخايل اتطلعتي من الصوره
- وبفلش ايدين القلب وبضمك
- صرتي فرض والفرض عم صلي
- وعم بحسد النسمه ال حواليكِ
- وذايب حنينك صار يوصلي
- ومثلو حنيني ذايب عليكِ
- انشالله يضلو الحب متجلي
- ومفتاح عمرو بخيط ايديكِ
- وفوق الحدود انطير ونعلي
- وما نضيع لا هيك ولا هيك
- وتبقي بعينيي دواء للروح
- وهيك انا ابقى ب عينيكِ
- ،،،،،،،،،،،،،،،،،،،،،،،،،،،،،،،،،،،،،،،،،،،،،،،،
- راضي مشيلح
nahralebdaa.blogspot.com/2017/10/blog-post_7.html?m=1
ردحذف