ذات الروح .. للشاعر المبدع المتالق/ راضي يوسف مشيلح
- ذات الروح
- ،،،،،،،،،،،،،،،،،،
- جيتي ع بالي قعدت صليكِ
- وادعي لربي تا يخليكِ
- وصارت عيوني تكتبك اشعار
- بلكي بدمعاتُن بحاكيكِ
- انشالله تكوني عم تصليني
- ودمعات حُبك عم تحاكيني
- ودّي نسيمك تايرد الروح
- وتا ظل اشعر ما نسيتني
- كل الامل شي يوم نتلاقا
- ويضمنا سرير الورد باقه
- وع بعضنا مثل الشموع نذوب
- ونروي العطش بقلوب مشتاقه
- ولما ع غفله النوم يسرقني
- لا تفكري خيالك بيفارقني
- بيضل جوه العين عم بيجول
- بس البعد جمرو بيحرقني
- انتِ وانا خلقنا بذات الروح
- ومع بعضنا عشنا مع الخفقات
- ووين ما تروحي انا عم روح
- منزرع عشقنا شفاف عالوردات
- وبكره سويه بوقت ما منروح
- انتِ وانا ثنيناتنا بالذات
- تحت الثرى نوحي على روحي
- ومثلك انا تحت الثرى رح نوح
- ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
- راضي مشيلح
nahralebdaa.blogspot.com/2017/10/blog-post_404.html?m=1
ردحذف