علاش يادنيا ..للشاعر المبدع المتالق/ امال السقاط
-
- علاش يا دنيا...؟
- بالله عليك يا دنيا
- واش العيب فينا ولا فيك
- ولا فدوك لآخرين حرا سك
- تغيرتي يا دنيا وتغيروا ناسك
- علاش جهلتي وهجرتي ناسك
- بقتي هايمة جاهلة فواعدساسك
- وتخرقي في الضعيف قرطاسك
- لا رحمة في لقلوب لا محنة
- أرضك جفت ووحلتي فاسك
- ما بقينا عرفنا او لك من أخرك
- ولاتلينا فاهمين رأسك من ساسك
- تغيرتي يادنيا و تغيروا ناسك
- فيييييييين ناس زمان
- ناس الحكمة والنخوة والهنا
- والهمة والشأن والكلمة
- فين هما دوك اللي حرسوا عراصك
- واللي عاشوالوقار والمحبةوالوفا
- وشحال غرفوا منها بكاسك
- الثقة والأمان والصفا عنوان
- والراحة تحسها فينما مدت راسك
- بالله عليك يا دنيا
- شنو جرى شنو وقع
- فين عهدك فين خلاصك
- علاش تلفتي الحسابات
- ولا غير من راسك
- وجعلت الدرهم سلطان
- هو سيدك وتاج رأسك
- هو السيد،هو وحدو يفهم
- هو اللي يسود بين الأسود
- هو اللي ديما عارف ويحسم
- رغم جهل هو يفصل هويحكم
- تلفتي الحسابات يا دنيا
- على حساب الدراوش من ناسك
- بخدمني نخدمك
- عطني نعطيك
- هششت العماد وزعزعتي ساسك
- وقفت الشغل على حساب نفاسك
- شحال هم تاهوا وشلاهم تشردوا
- وسكنوا في حباسك
- الله الله عليك يا دنيا
- علاش تغيرتي و تغيروا ناسك
- رخصتي ذهبك وغليتي نحاسك
- الله يلطف بنا يا لطيف
-
- وقتاش يجي الصباح
- وتفقي من نعاسك
- نمشيوا في طريق الصفا والخير
- نسلكوا مسالك النجا والتسير
- ونعودوا نميزوا حجرك من ماسك
- ويعود ألما لمجراه والعبد لمولاه
- ويتلم الشمل من جديد
- على المحبة والسلام
- ونغمة شاي ووناسك
- يفرح القريب والبعيد
- الكبير والصغير
- ويتكلع من جدرو إبليس وسواسك
- والعيد يعم
- وفرحتو تطول كيف زمان على ناسك
- بالله علي يا دنيا
- بالله عليك يا دنيا
- بالله عليك يا دنيا.
- د.امال السقاط الضخامة
nahralebdaa.blogspot.com/2017/10/blog-post_255.html?m=1
ردحذف