- هاذ الزمان شلا غرايب فيه بانو
- والخير فيه مبقا من يترجاه
- تقلبو ليه وزانو
- وتخلط وسخو بنقاه
- كثرو همومه و حزانو
- والفرح فين باقي تلقاه
- الشيطان قواو عوانو
- وطريق الله شكون بغاه
- لحيا مات وتكفن بكفانو
- و الحشمة تدفنت معاه
- الصدق هجر وطانو
- والكذوب دك الوتاد وعلامو علاه
- العلم رشات غصانو
- فكانون حامي الجهل كداه
- الفاهم قلال شانو
- والسفيه عالي المناصب تولاه
- الحسد سكن القلوب وسد بيبانو
- واد المحبة نشف من ماه
- الحق تقطع له لسانو
- وصوتو الباطل شراه
- العدل رابو حيطانو
- لعرام تخلط ل دا شي داه
- ....
- ✏ ليلى ناجم
الأحد، 8 أكتوبر 2017
مجلة حديث الهيل الادبية /*/*هاذ الزمان**** بلقم الشاعرة ✏ ليلى ناجم
الاشتراك في:
تعليقات الرسالة (Atom)
ليست هناك تعليقات:
إرسال تعليق