اللون الاسود *** الشاعر عاطف عمر

• قصيدة (( اللون الأسود ))
• الشاعر عاطف عمر
• الأسود ....بئا لونَ الدائم.
• والأسعار ..بالوزن القائم.
• واللى ما عجبه...راح يتحاكم.
• مهما تكون رتبته.....او  خادم.
• فيها أيه....لو جوعنا كام يوم.
• أو كاملنا عشانا......بالنوم.
• صحه وعافيه....علينا تدوم.
•  أهل زمان قالو.....خف تعوم.
• فيها أيه...لو قضيتها رچيم.
• ألعب وأخسرك ....كام جيم.
• تصحي الصبح تقول يا عليم.
•  أرزقنا يا........يا رزاق يا كريم.
• أنسي و ما تتطالب ....بحقوقك.
• هتعيش مستور جوه....هدومك.
• نحمل وياك ....كل همومك.
•  أوعدنا تفضل علي لونك.
• هنغشلك الدواء والأكل.
• وهنعطيك هرمون للحقل.
• تعترف اننا أهل الفضل.
•  راح نعتزر على هذا العطل.
• مش هنسيبك فوق او تحت.
• حتى ولو عايش بالسحت .
• او مرضان بئا فوق التخت .
•  راح نضربلك حتي البخت .
• ميت ..ميت ...يا بن الناس.
• فوق الارض ملكش اساس .
• هيكل عظمي بدون احساس .
•  محسوب عايش كدا وخلاص .
• كسبنا ثواب...........ريحناك .
• الراحه في الجنه .....بئا هناك .
• موت ...ربنا يسترها معاك.
•  وادعيلنا....نكون برضو معاك .
•