يا راسي حبيبة اخريف

يا راسي وعلاش تخمم
نهار لي خلقت
خلق معاك رزقي
خلق معاك شقاي
ؤسعدي
نعيش نهاري
وليلي
ماعرفت واش
يطلع يومي
علاش نخمم
ربي كتب علي
راسي
وقدري خيره
وشره
ياراسي واش كحل
ولا بييض شعري
دواير زمان
خلاتني نخمم
واش عايشا يومي
ولى نهاري عايشني
نجري ونجاري
نبني ونعلي
نمشي ونخلي
هاذا جال الدنيا
ما تعلم منها والو
هادا تعلم تحرميات
يسلك بها ف الدنيا
حالو
شي عطاتو شي
زواتو
كلها امتحان
ولي يتوقع الخير
يلقاه
نيتك تخدم عليك
يا بنادم اخدم
قبل ما تندم
ؤفديك لحفيرة
تردم

حبيبة اخريف