- (انسان طموح )
- خلى حلمك يوم حقيقة
- اوعى حلمك يوم يروح
- خد خطاوى كتير جريئة
- كن جدع انسان طموح
- كل حاجة وعاوزة زقة
- ما تقولش كان ....قول بكرة هابقى
- ابنى فيلا فوق سطوح
- هد فوق جدران خيالك
- بالأمل مية ألف سور
- لو كسل إبليس نادالك
- احرقه بحبة بخور
- واوعى تنعى حظ خانك
- الحظوظ دى كلام شيطانك
- ابنى فوق حظك صروح
- صرح فوق حلمى اللى عدى
- وصرح فوق كل الجروح
- وصرح م الشوق والمودة
- وصرح مليان بالطموح
- وصرح فوق كل اللى كان
- وصرح فوق غدر الزمان
- وبكل أحلامك تبوح
- عيشها زى ما هى فانية
- احلم اكتب كل ثانية
- كل حلم حلمت بيه
- عيش فى عقلك دنيا تانية
- وخد خطاوى كتير جريئة
- خلى حلمك يوم حقيقة
- كن جدع إنسان طموح
- #ميزووووووووووووووو
الأحد، 16 أكتوبر 2016
(انسان طموح ) محمود المزيان
الاشتراك في:
تعليقات الرسالة (Atom)
ليست هناك تعليقات:
إرسال تعليق