دون حكي
مش كل كلمة حروف يعرفها الادب
ولا كل نطق لهوف نسمع بالعجب
فهم الملامح بالنظر معجم للحكي
نقرا الصمت بالعين عالوجه انكتب
من قبلما اللغات يعرفها البشر
حروف الهجا رسمات يكتبها صور
كان الحكي تأشير افراح و بكي
بلحاظ ببو الروح يفهمها النظر
متل الطفل خلقان ما بيعرف حكي
ولا بيفهم الكلمات همو بيشتكي
الالفاظ نبرة يقول يغسلها البكي
دون الحكي وحروف يرسم بالعبر
بعدو الصمت نظرات همسات ونهيد
والقلب عانق روح نفحات الاكيد
بعدو البكم و الخرس بالوما كلمات
و كل خفقة قلب ينقلها الوريد
العشاق لو عالبعد بعض بيسمعوا
الخلاق خلقو يمد و الحكمة معو
شو تجانسوا ازهار عطر بيطلعوا
وحدو رحيق الروح بالروح انسكب
مش كل كلمة بلون لازم تنعرب
رامز عيد
28/10/2016
وافر تقديري و فائق احترامي لمجلة حديث الهيل الادبية على نشر شعري المتواضع في صرحها الانيق و اخص بالشكر و الامتنان الاستاذ Delan Kurdi
ردحذف