- حلم أم الشهيد
- وباحلمبك يا قلب امك
- ليالي كتير
- نجوم تلمع علي كتفك
- وبدلة حرير
- وضي البدر راح راسم
- علي وشك
- جمال شايفاها أنا لوحدي
- ما لهش نظير
- يطمن قلبي يا قلبي
- بحلم كبير
- كمان شايفه علي صدرك
- وسام تقدير
- شعاع طاير مع النسمه
- مالوش تيسير
- بتضحك نظرتك ليا
- واشوفها تطير
- وفي المشهد يا روح قلبي
- باشوف عصافير
- بيرقص غصنها بيها
- من الفرحه
- وثوب ابيض بمية طرحه
- وورد كتير
- عروستك شوفتها بعيني
- يا نور عيني
- وشايفه الزفه بتقرب
- وصوت مزامير
- ملايكة كتير محاوطينك
- ونور قناديل
- وصوت زغاريد وباسمعها
- بصوت تكبير
- وصوت عارفاه بيندهللي
- ناداني كتير
- عريس الليله أنا يا أمه
- شوفي التقدير
- واشوف الفرحه في ميلادها
- بدون تأخير
- وغفوه تاخدني من حلمي
- مفيش تفكير
- وبعد الفجر نتواعد ونتقابل
- مع المقادير
- تقول خلصت مشاويري
- ما عاد مشاوير
- ادان في ميدان وقبل آوان
- ياست الكل سمعاني
- خلاص خلصت مشاويري
- ترد المادنه بالتكبير
- ولا عمرك تكون ميت
- ده ياما لسه فيه مشاوير
- ده ياما لسه فيه مشاوير
الاثنين، 17 أكتوبر 2016
حلم أم الشهيد ***عبد الحليم الزلوعي
الاشتراك في:
تعليقات الرسالة (Atom)
ليست هناك تعليقات:
إرسال تعليق