- الحقوا صحوا النهار
- ........................
- الحقوا صحوا النهار
- اصل ليل الحزن طال
- والعقول تاهت فى ظلمة
- والقلوب داخلها نار
- واللسان جف كلامه
- اصله حاسس بالمرار
- الحقوا صحوا النهار
- قبل ما تعيدوا السؤال
- ليه عيونى دبلانين
- ليه شاغلنى الفكر ديماً
- وعيونى سرحانين
- ليه حزين ؟؟؟؟؟؟؟؟؟؟؟؟؟؟؟؟؟
- لما اكون غريب فى وطنى
- مش عايزنى اكون حزين
- لما ظالم فى دم عايم
- والميزان يخل بينا
- والقاتل يعيش فى جنه
- وغلابه مسجونين
- لما جندى يكون حارسنا
- على الحدود سهران فى جيشنا
- الف طعنه تجيله منا
- مش عايزنى اكون حزين
- لما نستقوى بسلاح
- واللى يقولك جهاد
- واللى يقولك كفاح
- لما ينطعن الحريم
- فى الشرف بلسان لائيم
- لما يتسجن الكريم
- لما يتكسر السليم
- لما دينا يكون مباح
- يفتى فيه كل غشيم
- لما اشوف بلدى بتهوى
- وتاجها يتعاص طين
- مش عايزنى اكون حزين
- الشطاره فى الاداره
- قبل ما ندخل مغاره
- ظلمه ما نشوفش بعين
- الحقوا لموا اللى باقى
- قبل ما تدور السواقى
- وتروى ارض مصر دم
- والثمر يكون تار
- يشربه الكل بمرار
- والندم ساعة الحصار
- مش هينفع اللى باقى
- الحكايه مش تحدى
- انا قدك وانت قدى
- القطط يضربها فار
- الحقوا صحوا النهار
- اصل ليل الحزن طال
- بقلم محمد البلاط
السبت، 13 أغسطس 2016
الحقوا صحوا النهار*******بقلم محمد البلاط
الاشتراك في:
تعليقات الرسالة (Atom)
ليست هناك تعليقات:
إرسال تعليق