- رغم صدك بعشقك
- من قلبى حبى بيندهك
- واتوه فى كلمه لو تقولها واسمعك
- مش عشان زعلت منك اودعك
- من قلبى حبى بيندهك
- وافرد حنينى على الطريق
- اللى يوصل مطرحك
- واشعل قناديل الفرح
- وافتح ستاير الامل
- وابداء طقوسى فى معبدك
- وافرش ورودى فى جنتى
- والبس قميص من لهفتى
- يظهر حنينى وشوقى ليك
- من قلبى حبى بيندهك
- ورغم صدك بعشقك
- انت امانى وفى كيانى
- يا حلم عمرى بعشقك
- يا دم يجرى فى الوريد
- ولو اشوفك من بعيد
- يكون لى عيد ونبض قلبى
- طفله فى فستنها الجديد
- ورغم صدك بعشقك
- ومن قلبى حبى بيندهك
- يا شهريار قصتى
- بهمس الحنين
- سكنت قصر محبتى
- وعليت عرشى ودنيتى
- رغم صفوف العاشقين
- ولبست تاج الحب
- اسوره تحكيها السنين
- ورغم صدك بعشقك
- ومن قلبى حبى بيندهك
- وافرح بكلمه لو تقولها واسمعك
- الليل ضنانى من السهر
- وتعبت من كثر السفر
- وتعب الفراق بيجزنى
- واتون نارى فى غربتك
- انا اللى دايبه
- ولهفتى اكثر كثير من لهفتك
- ورغم صدك بعشقك
- ومن قلبى حبى بيندهك
- بقلم محمد البلاط
السبت، 13 أغسطس 2016
رغم صدك بعشقك****بقلم الشاعر محمد البلاط
الاشتراك في:
تعليقات الرسالة (Atom)
ليست هناك تعليقات:
إرسال تعليق