- قطر الحياه ماشي
- وكلنا راكبين
- ﻻبنعرف لفين ماشي
- وﻻ إمتى نكون نازلين
- قطر الحياه في نظري
- وبنظرة العاقلين
- دايره ماليها نهايه
- وكلنا غافلين
- بيلف بينا القطر
- في سكه ماليها محطه
- كل اللي راكب فيه
- شايل همومه في شنطه
- ﻻ هو عارف هينزل فين
- وﻻ شايف لعمره محطه
- إﻻ اللي عارف ربه
- عاقل وترك الشنطه
- تارك هموم الدنيا
- والجنه كل مناه
- ياراكب في قطر الدنيا
- إنزل وإبقى معاه
- مش انت المخلد فيها
- وﻻ انت نبي في القوم
- قطر الحياه بيدور
- إصحى بقا من النوم
- القطر خد من عمرك
- سنين ما حسيتها
- الجنه مش في الدنيا
- إنزل وشم ريحتها
- أول محطه شهاده
- يارب انت خالقنا
- ورسول مبلغ أمه
- والجنه هي غايتها
- والتانيه صﻻه لله
- الكعبه تكون قبلتها
- والتالته صوم رمضان
- وتﻻوه ليها قيمتها
- والرابعه فيها زكاه
- فيها حكمة اللي خالقها
- والخامسه حج البيت
- سبع اشواط بنطوفها
- ووقفه على عرفات
- والرحمه هناك بتشوفها
- وﻻ دنيا تشيل لها هم
- والنار هتأمن خوفها
- ياغاوي متاع الدنيا
- وعلى العباد تتكير
- اترك متاع الدنيا
- ولﻹله كبر
- مهما عليت في الدنيا
- خلقك إله أكبر
- خلقك وخلق التوبه
- ويا حظه اللي يكبر
- يارب انت العالم
- من قلبي قاصد بابك
- اجعلني في هذا العام
- خادم لحجاجك
- انا مهما سعيت في الدنيا
- مش هنسى أفضالك
- يارب أعيش وأردد
- اللهم لبيك
- وأسمع صداها في قلبي
- من رب يقول سعديك
- انا عبد في الحرمين
- يارب ما اتحرر
- لو باقي في عمري زياره
- يارب تتكرر
- ويارب هذا العام
- ما اشوف اللي جاي يتصور
- وﻻ اللي ﻻبس إحرام
- ع المال الحرام بيدور
- وإهدي يارب الشيعه
- فيهم شباب متهور
- في مكه يأدي فريضه
- وفي ذكرى الحسين متعور
- ياشيوخ مزاهب الشيعه
- إمتى العقول تتنور
- ذكرى الحسين مش دم
- وﻻ طفل فيه يتعور
- وطقوس غريبه عليكم
- مش قادر اتصور
- إمتى شيوخ الشيعه
- عقولها تتنور
- أنا خادم الحرمين
- من مكه لقبر نبينا
- في حادث المزدلفه
- بكي الحجر وبكينا
- مات الحسين ياناس
- ومات شافيعنا نبينا
- وركبنا قطر الدنيا
- يدور ويلعب بينا
- ونسينا ان فيه الجنه
- من أسمى أمانينا
- عﻻء رجب
الخميس، 11 أغسطس 2016
قطر الحياه ماشي****الشاعر علاء رجب
الاشتراك في:
تعليقات الرسالة (Atom)
ليست هناك تعليقات:
إرسال تعليق