........ قطار الموت....
قطرالغلابه اتقلب
تصرخ معاه صدمته
والدم سأل ع الارض
تروي الغيطان كترته
حتى الصغير مات
ودع وساب دنيته
جسمه ماليه الألم
والموت عرف سكته
جانبه العجوز بالاه
رافض يبوح شكوته
تنزف جروحه الوجع
يبكي وبكره حرقته
شاور بايديه ياخلق
ولاحد شاف دمعته
يصرخ انينه ينوح
مكسوره فيه ضلعته
والشاب لم نوى
يخطب وزار عمته
فرحان معاه الحلم
شال الفؤاد ضحكته
رايح وناوي الفرح
عايز ينول فرحته
قايل لابوه الخبر
يحضرمعاه فتحته
ياخسارة راح الأمل
رجعت يدوب جثته
وأمه لسانها اتخرص
بتنوح على فرقته
تبكي وبكاها مر
عايزه تروح دفنته
............................
كلماتي جمال زياد
nahralebdaa.blogspot.com/2017/08/blog-post_92.html?m=1
ردحذف