الحياة اتغيرت ..للشاعر المبدع/ بلبل عثمان

الحياه اتغيرت لما حكم بينا الفراق بكل شىء اتأثرت أصل الفراق خناق ضاع منها كل شىء جميل والحلو فيها بقى مستحيل ينداق كل الأماني اتبعترت اوراق يا دنيا ليه قلبتي وشك ليه من زمان ما ظهرش غشك وخدعتي في لمح البصر ذي القدر لما يكون راكب البراق وانا كل عمري عشته ساذج وكنت فاكر نفسي عاشق بين القلوب كنت الصبي وخالفت ارضي وكوكبي وعشقت قلبك إنما صابني الهوا احساس غبي وقلبي اللي عاش فيكي الهوى عاش عمره يتمنى الدوا قتله الهوى ترياق وكنت صابر ولا عمري فكرت اني أكابر يا جنه عشقتها عيوني وقلبي طاف بيها المقابر وسافرت بالاحلام في حبك ونقشت اسمك ع المعابر وكتبت اسمي جنب قيس وعنتره ب ثلاثه حروف متبعتره في مقابر العشاق بلبل طلعت عثمان