- مراية الزمن
- مش اي ضرس اللي انقلع
- ده قلبي هو اللي اتخلع
- ولا جدر ناب بيدق باب
- والجته من حيله تتوجع
- وانا اللي ياما شيلت الحمول
- ولا قولت يوم حيلي انقطع
- يجري الزمن ونروح وراه
- واشوف مرايتي واتفزع
- وانا لسه فاكر شيئ من ملامحي
- واا قول مرايتي بتنخدع
- القي الحقيقة بتقولي اصحي
- ده هو حالك يا جدع
- واشوف الرموش صبحت رتوش
- والخلقه مليانه ببقع
- ايد الزمن طالت الكتير
- كان نفسي انسي واتخدع
- الشكل ده مش هو انا
- علي قد صابع وانجزع
- تصرخ مرايتي بفتونه
- طبع السنين فيك انطبع
- وانا اللي غفلان بالمزاج
- خايف اشوفني واتخلع
- كان الوجع عمال يزبد
- مهما الا طبا جابوا البدع
- واه من الالم الخفيف
- وكأن نجمي ما يوم سطع
- وابحث عن اصحابي الكتير
- والبجث جاري وما نفع
- ايه يا تري طب ايه حصل
- وليه يا قلبي بتنخلع
- كانت الاجابه المؤلمه
- العمر كله خلاص وقع
الجمعة، 16 ديسمبر 2016
مراية الزمن *** بقلم عبد الحليم الزلوعى
الاشتراك في:
تعليقات الرسالة (Atom)
ليست هناك تعليقات:
إرسال تعليق