قالولي يومين وراح تنسي الوجع **** بقلم الشاعر محمد ابو نعمة

• قالولي يومين وراح تنسي الوجع منها وبكره الدنيا تضحكلك اكيد هتحب يوم غيرها ولو حتى قبلت عنيها في الشارع متتاثرش ومتسلمش ومش جنبها وكابر كأنك متعرفهاش وأول مره تلمحها ولو دمع العيون خانك بسرعه بايدك امسحها يجوز بالوقت راح تنسى يجوز فيها متسرحشي ولو سالوك في يوم عنها جوابهم حبي منفعشي متستسلمش لقاعدة في اوضك الضلمه وجنبك شمعه متقاده ع الكومدنو وعينك باصه ع الجدران داء حتى وانت ف اللمه قاعد حيران معاك أن البعاد قاتل ومبيرحمش مبيموتش حبل الحب كان دايب وللأسف احنا شدنا فمتحملش وبقا مقطوع كفايه دموع ع الوعد ال متكملشي صحيح يمكن يكون داء نصيب أحب حبيب مهوش ليا ولا هيكون سند ف طريق ولا هقسم معاه فرحه بتتجزاء إلى جزئين ولا الصبح هتسمع ودني كلمة صبح الخير طالعه من عنيه الاتنين صحيح يمكن يكون داء نصيب لكني بجد مش راضي يكون داء نصيبي واستسلم واشوف حلمي قصاد عيني خلاص بيضيع وانا مسلم وبسال روحي ليه في حياتي مستناش ياريتو من البدايه مجاش وعلقني لمحني غريق في وسط محيط ورافض انو يلحقني