شروقي ...بقلم الشاعر //احمد يحيى

شروقي
زاغت عيوني وكل شعري شاب
وبالنار قلبي اكتوى من هجر أحبابي
وكل الليالي سهرمع نورها الخلاب
دايخ بعطر الورد من وجه غيابي
وعا كل همسة هوى عم انطر الاعجاب
ماضل عندك نقط تايعوم دولابي
وما في ورق بالفيس أو أسباب
تمنع وليفي الحلو تيطل عا بابي
قلبو تركتو الك يا دوحة الاطياب
ناطر نسايم عطر تظهر على حسابي
بيكفي يابدر الدجى تسكر عليي الباب
بلكي بيضوي القمر لمعة على بوابي
وان كان مافي أمل بالنور أوبعتاب
يلا عامرج الهوى تانضل عذابي
ويرجع صفاك وخمرك المنساب
يحكي قصايد حزن تبكي عاأسبابي
وقلبي انفطر عاسحرك الوهاب
نورك هداني الصبر تااسمع جوابي
بكرمك وجدت الدوا مع خمرة العناب
بسكر ليالي العمر تايضل عنابي