- ( نداء )
- بنده عليك إسمعنى
- ياقلبى لا توجعنى
- وللا أقولك دعنى
- مابقاش يفيد الندا
- شمت فيا الداء
- كأنه كان مشتاق
- ومنى كان مستاء
- راحت أمالى سدى
- شبط فيا الزهق
- خلليت حياتى قلق
- وفرحى لما اتسرق
- سمعت رجع الصدى
- دعيت عليك ربنا
- تفضل كدا زينا
- ولا يوم تنول الهنا
- ولا حتى بعض الرضا
- رضينا قال بالهم
- صاحبنا حتى الغم
- جايز في يوم يتلم
- لكنه كان إبتدا
- بالعله ورضينا
- وقلنا يشفينا
- ربك ويغنينا
- مدينا ليه اليدا
- يارب يا رحمن
- يا خالق الإنسان
- كل يوم لك شان
- إنعم علينا بهدى
- رقق قلوب خلقك
- دا الرزق من فضلك
- يارب من فضلك
- إبعد شرور العدا
- تكفينا لقمتنا
- وحتى لو متنا
- والجنه لمتنا
- ح نروح نكيد العدا
- ( نبيل الوردانى )
- <شاعر>
الخميس، 10 نوفمبر 2016
نداء *** بقلم الشاعر نبيل الورداني
الاشتراك في:
تعليقات الرسالة (Atom)
ليست هناك تعليقات:
إرسال تعليق